Tuesday, August 13, 2013
ပထမ မဟာလယ်တီ ဆရာတော်ဘုရားကြီး၏ မော်ကွန်းကျောက်စာတိုက်ကြီးအတွက် အလှူရှင်များကို ဖိတ်ခေါ်ပါသည်။
ကမ္ဘာကျော် ပထမ လယ်တီဆရာတော်ဘုရားကြီး၏ ဇာတိချက်ကြွေမွေးရပ်မြေ စစ်ကိုင်းတိုင်း
ဒေသကြီး၊ ရွှေဘိုခရိုင်၊ ဒီပဲယင်းမြို့နယ်၊ စိုင်ပြင်ကြီး စံပြကျေးရွာ၊ ကတိုးရပ်၊ဖျောက်ဆိပ်ပင်ကျာင်းမ
ကျောင်းတိုက်ကြီးတွင် တည်ထားကိုးကွယ်မည်ဖြစ်သော မဟာလယ်တီ ကျောက်စာတိုက်ကြီး
ဖြစ်မြောက်ရေးအတွက် ပဓါနဆရာတော်ဘဒ္ဒန္တဓမ္မပါလ (သာသနဓဇ သီရိပ၀ရဓမ္မာစရိယ ) ၏ လမ်းညွှန်
မှုဖြင့် တပည့် ဒါယကာ၊ ဒါယိကာမများသည်ကော်မတီတစ်ရပ် ဖွဲ့စည်းပြီး ၁၃၇၄ ခုနှစ်၊ တော်သလင်း
လပြည့်ကျော် (၁၂) ရက်၊၂၀၁၂ ခုနှစ်၊ အောက်တိုဘာလ(၁၂) ရက်၊သောကြာနေ့မှ စတင်၍ ဆောင်ရွက်ခဲ့
ကြပါသည်။
၎င်း ဖျောက်ဆိပ်ပင် ကျောင်းမတိုက်ရှိ ခဏ္ဍသိမ်တော်သည် ပထမလယ်တီဆရာတော်လောင်းလျာ
အရှင်ဉာဏဓဇအား ရှင်သာမဏေအဖြစ် သွတ်သွင်းခဲ့သော နေရာ ဖြစ်ပါသည်အရှင် ဉာဏဓဇ(၁၂၀၈ -
၁၂၈၅) သည် မုံရွာမြို့အနီး လယ်တီတောအုပ်ကို အမှီပြုကာပထမလယ်တီတိုက်ကြီးကို (၁၂၄၈) ခုနှစ် မှ
စတင်တည်ထောင်၍ပရိယတ္တိ၊ ပဋိပတ္တိ၊ပဋိဝေဒ စသည့် သာသနာသုံးရပ်ကို တည်တန့်ပြန့်ပွားစေရန်
တပည့်သံဃာဒါယကာများစွာဖြင့်ကြိုးပမ်း ဆောင်ရွက်တော်မူခဲ့ပါသည်။ ဒီပနီကျမ်းပေါင်း (၁၀၆) ကျမ်းခန့်
ရေးသားတော်မူခဲ့ရာ မုံရွာမြို့၊မဟာလယ်တီကျောက်စာတိုက်အတွင်း (၁၂၈၆) ခုနှစ်မှစ၍ ပထမလယ်တီ
ဆရာတော်ဘုရားကြီးသက်တော်ထင်ရှား ရှိနေသကဲ့သို့ ကိုယ်ပွားအဖြစ်ကျန်ရှိနေစေရန်ဒီပနီကျမ်းများကို
ကျောက်ထက်အက္ခရာတင်ပြီး ကျောက်စာများကို စနစ်တကျ စုစည်း၍ထားသော ကျောက်စာတိုက်ကြီး
ထည်ထည်ဝါ၀ါ ရှိနေသည်မှာမျက်ဝါးထင်ထင်ပင် ဖြစ်ပါသည်။ မုံရွာမြို့မဟာလယ်တီကျောက်စာတိုက်တွင်
ဒီပနီကျမ်းပေါင်း(၈၀) ကျော်ကိုသာကျောက်ထက်အက္ခရာတင်ထားပြီးဖြစ်ပါသဖြင့် ကျောက်ထက်အက္ခရာ
တင်ရန် (၂၆) ကျမ်းခန့် ကျန်ရှိနေပါသေးသည်။ ထို ကျန်ရှိနေသေးသော (၂၆) ကျမ်းခန့်အပြင်ဆရာတော်
ဘုရားကြီး၏ ပုံနှိပ်ခြင်းမပြုခဲ့ရသေးသောလက်ရေးပေမူများကိုလည်း ထည့်သွင်း၍ ကျောက်ထက်အက္ခရာ
တင်ပူဇော်မည်ဖြစ်ပါသည်။
သို့ပါသောကြောင့် မဟာလယ်တီသာသနာ သုတေသီတို့သည်မုံရွာမြို့ မဟာလယ်တီကျောက်စာ
တိုက်ကြီးအတွင်းတည်ထားကိုးကွယ်ထားသော ဒီပနီကျမ်းပေါင်း (၈၀) ကျော်တို့အားလေ့လာဆည်းပူး
မှတ်သား ပူဇော်ပြီးပါကကျန်ရှိနေသောကျမ်းပေါင်း (၂၆) ကျမ်းနှင့် ပုံနှိပ်ခြင်း မပြုရသေးသော ဆရာတော်
ဘုရားကြီး၏ လက်ရေးပေမူ များကိုဆက်လက် လေ့လာဆည်းပူး မှတ်သားလိုပါက မုံရွာမြို့၏ မြောက်
ဘက်(၃၄) မိုင်အကွာ(မုံရွာ - ရေဦး ကားလမ်းပေါ်တွင် တည်ရှိသော) ဆရာတော်ဘုရားကြီး၏ ဇာတိ
ချက်ကြွေမွေးရပ်မြေဖြစ်သော စိုင်ပြင်ကြီး စံပြကျေးရွာသို့ကြွရောက်၍ ဆရာတော်ဘုရားကြီး၏မဟာဇာတိ
သာသနာအောင်မြေ ဗိမ္မာန်တော်ကြီး၊ယခုတိုင် ဆက်လက်စည်ပင်ဝေဆာ ရှင်သန်လျှက်ရှိသော
(ဆရာတော်ဘုရားကြီး မွေးဖွားစဉ်က နိမိတ်ထူးကြီးများအနက် တစ်ခုဖြစ်သော) အဓိဌာန်အောင်မင်္ဂလာ
မန်ကြီးပင်ကြီး နှင့် မဟာလယ်တီမော်ကွန်းကျောက်စာတိုက်ကြီးတို့ကို လာရောက်ဖူးမျှော်နိုင်ကြပါကြောင်း
သိရှိဖိတ်ခေါ်အပ်ပါသည်။
သို့ဖြစ်ပါ၍ ဆရာတော် ဘုရားကြီး ရှင်သာမဏေဖြစ်တော်မူသော ကျောင်းမတိုက်၊ ခဏ္ဍသိမ်တိုက်
အနီး၌၁၃၇၄ ခုနှစ်နတ်တော်လဆန်း (၃) ရက်၊ ၂၀၁၃ ဇန်န၀ါရီလ (၁၄)ရက်နေ့တွင် ဇဗ္ဗူအေး ကိုးန၀င်း
ကျားတွင်းတောရဆရာတော်အရှင် သုမနသီရိ နှင့်စာရေးဆရာကြီး ဒေါက်တာ ချစ်စံဝင်း တို့ ကိုယ်တိုင်
ပန္နက်တော် မင်္ဂလာ ကျင်းပပြုလုပ်၍မဟာလယ်တီမော်ကွန်း ကျောက်စာတိုက်ကြီး စတင် တည်ဆောက်
နေပြီဖြစ်ကာ ဒီပနီကျမ်းများကိုကျောက်ထက်အက္ခရာတင်ရန် ကျောက်စာတစ်ချပ်လျှင် ကျပ်ငွေ သုံးသိန်း
(၃၀၀၀၀၀) ဖြင့် ကျောက်စာချပ်ရေ (၃၀၀)ချပ်ခန့်ပူဇော်ရမည်ဖြစ်ပါသည်။ ကျောက်စာများနှင့်ကျောက်စာ
တိုက် တည်ဆောက်ရန် စုစုပေါင်း ကုန်ကျစရိတ်မှာကျပ်သိန်းပေါင်း (၂၀၀၀) ခန့်ဖြစ်ပါသည်။ စာရေး
ဆရာကြီး ဒေါက်တာ ချစ်စံဝင်းအကူအညီဖြင့်ရန်ကုန်မြို့မေတ္တာရှင်ရွှေပြည်သာဆရာတော် အရှင် ဇ၀န
(မေတ္တာရှင်) ဖေါင်ဒေးရှင်းမှ ကျပ်ငွေ သိန်းသုံးဆယ် (၃၀၀၀၀၀၀) စတင် မ တည်၍လှူဒါန်းပြီးဖြစ်ရာ
ဆက်လက်၍ အလှူရှင်များ လိုအပ်လျှက်ရှိပါကြောင်း ကုသိုလ်ပါဝင်လှူဒါန်းလိုသူများအား အကျိုးမျှော်၍
နှိုးဆော် တိုက်တွန်းအပ်ပါသည်။
ဆက်သွယ် လှူဒါန်းလိုပါက -
- ရန်ကုန်မြို့ မေတ္တာရှင် ဖေါင်ဒေးရှင်း ph - 09.2110202 , 09.4027779
- ရန်ကုန်မြို့ ဒေါက်တာချစ်စံဝင်း ph - 09.5016831, 01.202372
- မုံရွာမြို့ မဟာလယ်တီကျောက်စာတိုက် ph - 071.22147 , 071.21375
- စိုင်ပြင်ကြီး မော်ကွန်းကျောက်စာတိုက် ကော်မတီ ph - 09.47600600 , 09.400460134 ,
09.400412508 , 09.47058532
Subscribe to:
Post Comments (Atom)
No comments:
Post a Comment