Friday, June 10, 2016
၁ မှ ၁၀၀ အတွင်း ၃ ထပ်ကိန်းရင်း အလွယ်ရှာနည်း
ဒီတစ်ခါ ၃ ထပ်ကိန်းရင်း ရှာနည်းကလည်း အရင် ၂ ထပ်ကိန်းရင်းရှာနည်းအတိုင်း
အတူတူပါပဲ။ ၂ ထပ်ကိန်းရင်း ရှာနည်း မသိသေးရင်တော့ အရင်ဖေါ်ပြထားတဲ့ ၂ ထပ်ကိန်းရင်း
ရှာနည်းကို လေ့လာပြီးမှ ဒီ ၃ ထပ်ကိန်းရင်း ရှာနည်းကို လေ့လာပါလို့ အကြံပြုချင်ပါတယ်။
ဒီ ၃ ထပ်ကိန်းရင်း ရှာနည်းမှာလည်း ၁ မှ ၁၀ ထိ ၄င်းတို့ရဲ့ ၃ ထပ်ကိန်းများကို သိထားရမှာဖြစ်ပါတယ်။
၁ ရဲ့ ၃ ထပ်ကိန်း ၁
၂ ရဲ့ ၃ ထပ်ကိန်း ၈
၃ ရဲ့ ၃ ထပ်ကိန်း ၂၇
၎ ရဲ့ ၃ ထပ်ကိန်း ၆၄
၅ ရဲ့ ၃ ထပ်ကိန်း ၁၂၅
၆ ရဲ့ ၃ ထပ်ကိန်း ၂၁၆
၇ ရဲ့ ၃ ထပ်ကိန်း ၃၄၃
၈ ရဲ့ ၃ ထပ်ကိန်း ၅၁၂
၉ ရဲ့ ၃ ထပ်ကိန်း ၇၂၉
၁၀ ရဲ့ ၃ ထပ်ကိန်း ၁၀၀၀ တို့ဖြစ်ပါတယ်။
ဒီမှာလည်း နှစ်ထပ်ကိန်းများရဲ့ နောက်ဆုံးဂဏန်းများဖြစ်တဲ့
(၁) ၁ ၈ ၇ ၄ ၅ ၆ ၃ ၂ ၉ ၀ တို့ဟာ ကိန်းရင်းရဲ့ နောက်ဆုံးဂဏန်းများကို
ဆုံးဖြတ်ပေးမှာ ဖြစ်ပါတယ်။ ဒီ ဂဏန်းတွေကို ကြည့်ရင် တစ်ခုနဲ့တစ်ခု မတူတဲ့အတွက်
နှစ်ထပ်ကိန်းရင်း ရှာတုန်းကလို အဖြေနှစ်ခု အနက်တစ်ခု ရွေးချယ်စရာ မလိုတော့အတွက်
ဒီ ၃ ထပ်ကိန်းရင်းရှာနည်းကတောင် ပိုလွယ်တယ်လို့ ပြောလို့ရပါတယ်။
ဆိုလိုတာက ၁ ဆိုရင် ကိန်းရင်း နောက်ဆုံးဂဏန်း ၁။
၈ ဆိုရင် ကိန်းရင်း နောက်ဆုံးဂဏန်း ၂။
၇ ဆိုရင် ကိန်းရင်း နောက်ဆုံးဂဏန်း ၃။
၎ ဆိုရင် ကိန်းရင်း နောက်ဆုံးဂဏန်း ၄။
၅ ဆိုရင် ကိန်းရင်း နောက်ဆုံးဂဏန်း ၅။
၆ ဆိုရင် ကိန်းရင်း နောက်ဆုံးဂဏန်း ၆။
၃ ဆိုရင် ကိန်းရင်း နောက်ဆုံးဂဏန်း ၇။
၂ ဆိုရင် ကိန်းရင်း နောက်ဆုံးဂဏန်း ၈။
၉ ဆိုရင် ကိန်းရင်း နောက်ဆုံးဂဏန်း ၉။
ဝ ဆိုရင် ကိန်းရင်း နောက်ဆုံးဂဏန်း ၀။ စသည်ဖြင့်ပေါ့ ပိုလွယ်သွားပါတယ်။
ဒီနေရာမှာ မှတ်လို့ပိုလွယ်အောင်
၁ ၄ ၅ ၆ ၉ ၀ စသည်တို့နဲ့ ဆုံးတဲ့ကိန်းတို့ရဲ့ ကိန်းရင်း နောက်ဆုံးဂဏန်းများဟာလည်း
၁ ၄ ၅ ၆ ၉ ၀ အတူတူပါပဲဆိုတာ သိထားရင် မှတ်ရတာ ပိုလွယ်တာပေါ့။ ကျန်တာကတော့
၂ ဆိုရင် ၈ ၊ ၃ ဆိုရင် ၇ လို့မှတ်လိုက်ပေါ့။
(၂)ပြီးရင် ၂ ထပ်ကိန်းရင်း ရှာခဲ့တုန်းက နောက်ဆုံး ဂဏန်းနှစ်လုံးကို ဖယ်ခဲ့သလို
ဒီတစ်ခါတော့ နောက်ဆုံး ဂဏန်း ၃ လုံးကို ဖယ်ရမှာပါ။
ကျန်တဲ့ ရှေ့ဂဏန်းများသည် မည်သည့် ၃ ထပ်ကိန်းများကြားမှာ ရှိသလဲဆိုတာ သိရင် ကိန်းရင်း ရှေ့ဆုံး
ဂဏန်းကို ရှာဖွေလို့ရပါပြီ။ ဥပမာလေးတွေ ကြည့်ရအောင်
ဥပမာ (၁)
၃၉၃၀၄ ရဲ့ ၃ ထပ်ကိန်းရင်းဟာ ဘာဖြစ်မလဲ။
(၁) နောက်ဆုံးဂဏန်းဟာ ၄ ဖြစ်လို့ ကိန်းရင်းနောက်ဆုံးဂဏန်းသည် ၄။
(၂) ၃၉၃၀၄ မှာ နောက်ဆုံးဂဏန်း ၃ လုံးဖြစ်တဲ့ ၃၀၄ ကို ဖယ်လိုက်ရင် ရှေ့မှာ ၃၉ ကျန်ပါတယ်
အဲဒီ ၃၉ သည် ၃ ရဲ့ ၃ ထပ်ကိန်း နဲ့ ၄ ရဲ့ ၃ ထပ်ကိန်း ၆၄ ကြားမှာရှိလို့
ကိန်းရင်း ရှေ့ကိန်းသည် ၃ ပါပဲ။ ဒီနေရာမှာ ၂ ထပ်ကိန်းရင်းရှာတုန်းကလို ၃ နဲ့ ၄ ကို
ပြန်မြှောက်စရာ မလိုတော့ပါဘူး။ ဒါ့ကြောင့် ဒီ ၃ ထပ်ကိန်းရှာတာက ပိုလွယ်တယ်လို့
ပြောတာပေါ့။ ဒါဆိုရင် အဖြေက ၃၄ ပါပဲ။
ဒါဆိုရင် ဥပမာလေးတွေနဲ့ ဆက်ပြီးလေ့ကျင့်ကြည့်ကြရအောင်
ဥပမာ (၂)
၆၃၆၀၅၆ ရဲ့ ၃ထပ်ကိန်းရင်းကို ရှာကြည့်ရအောင်
(၁) နောက်ဆုံးဂဏန်းဟာ ၆ ဖြစ်လို့ ကိန်းရင်းနောက်ဆုံးဂဏန်းဟာလည်း ၆ ပါပဲ။
(၂) နောက်ဆုံးဂဏန်း ၃ လုံး (၀၅၆) ကိုဖယ်လိုက်ရင် ၆၃၆ ကျန်ပါမယ်။
အဲဒီ ၆၃၆ သည် ၈ ရဲ့ ၃ ထပ်ကိန်း ၅၁၂ နဲ့၊ ၉ ရဲ့ ၃ ထပ်ကိန်း ၇၁၂ တို့ရဲ့ကြားမှာ
ရှိလို့ ကိန်းရင်း ရှေ့ဆုံးဂဏန်းသည် ၈ ပဲဖြစ်ရမှာပါ။
ဒါဆိုရင် အဖြေက ၈၆ ပါ ရှင်းပါတယ်နော်။
ဥပမာ (၃)
ဒီတစ်ခါတော့ ၁၈၅၁၉၃ ရဲ့ ၃ ထပ်ကိန်းရင်းကို ရှာကြည့်မယ်။
(၁) နောက်ဆုံး ဂဏန်းသည် ၃ ဖြစ်လို့ ကိန်းရင်းနောက်ဆုံးဂဏန်းသည် ၈။
(၂) နောက်ဆုံးဂဏန်း ၃ လုံး ၁၉၃ ကိုဖယ်လိုက်ရင် ရှေ့က ၁၈၅ ဂဏန်း ၃ လုံးသည်
၅ ရဲ့ ၃ ထပ်ကိန်း ၁၂၅ နဲ့ ၆ ရဲ့ ၃ ထပ်ကိန်း ၂၁၆ တို့ကြားမှာ ရှိတဲ့အတွက်
ကိန်းရင်း အရှေ့ဆုံးဂဏန်းသည် ၅ ။
ဒါဆိုရင် အဖြေက ၅၈ ပေါ့။
ဒီ နည်းလေးကို အထပ်ထပ် အခါခါ လေ့ကျင့်လိုက်ရင် သိပ်လွယ်ကူသွားမှာပါ။
လေးစားစွာဖြင့်
သန်းဇော်
Subscribe to:
Post Comments (Atom)
No comments:
Post a Comment